ஹஜ் இல்லம்; ஸ்டாலினுக்கு இஸ்லாமியர்கள் நன்றி
சென்னை: சென்னையில் ஹஜ் இல்லம் கட்டுவதற்கு இன்று அடிக்கல் நாட்டிய தமிழக முதல்வர் ஸ்டாலினுக்கு இந்திய ஹஜ் அசோசியேசன் தலைவர் அபூபக்கர் மக்காவில் இருந்து தெரிவிக்கும் நன்றி தெரிவித்துள்ளார்.
அவர் வெளியிட்டுள்ள வாழ்த்து செய்தியில், சென்னையில் ஹஜ் இல்லம் கட்ட வேண்டும் என்பது இஸ்லாமியர்களின் நீண்ட கால கோரிக்கையாக இருந்து வந்தது. அதனை நனவாக்கும் வகையில் விமான நிலையம் அருகில் ஹஜ் இல்லம் கட்டுவதற்கு முதலமைச்சர் அடிக்கல் நாட்டுவது மிகுந்த மகிழ்ச்சியும் நிறைவும் அளிக்கிறது. லட்சக்கணக்கான இஸ்லாமியர்களின் சார்பில் எங்கள் மனம் நிறைந்த நன்றிகளையும், வாழ்த்துக்களையும் முதலமைச்சருக்கு தெரிவித்துக் கொள்கிறேன் என்று குறிப்பிட்டுள்ளார்.
