மொரிஷியஸ் நாட்டின் சுற்றுலா கண்காட்சி சென்னையில் நடைபெற்றது

சென்னை: மொரிஷியஸ் நாட்டின் சுற்றுலா மேம்பாட்டு ஆணையம் சார்பாக இந்தியாவில் மூன்று நகரங்களில் சுற்றுலா கண்காட்சியை நடத்தியது. அந்நாட்டின் சுற்றுலா மேம்பாட்டு ஆணைய இயக்குநர் அரவிந்த் பன்தூன் தலைமையில் நடைபெற்ற இந்நிகழ்ச்சியில், 21 சுற்றுலா ஏற்பாட்டு நிறுவனங்கள் பங்கேற்றன.

மே மாதம் 27 ஆம் தேதி புனேவில் துவங்கிய இக்கண்காட்சி, தொடர்ந்து மே 29 ஆம் தேதி சென்னை, மற்றும் மே 31 ஆம் தேதி ஜெய்ப்பூரிலும் நடைபெற்றது.

இந்தியாவில் நடைபெற்று வரும் சாலைக்கண்காட்சிகள் குறித்து மொரீஷியஸ் சுற்றுலா மேம்பாட்டு ஆணையத்தின் இயக்குநர் அரவிந்த் பந்துன் கூறுகையில், இந்தியாவில் எங்கள் சாலை கண்காட்சிகளை வெற்றிகரமாக நிறைவு செய்வதில் நான் மிகுந்த மகிழ்ச்சியடைகிறேன். இந்தியாவில் இருந்து மொரிஷியஸுக்கு அதிகளவிலான விமான சேவைகள் இயக்கப்படுகின்றன. மொரிஷியஸ் நாட்டில் பல்வேறு இடங்களை காட்சிப்படுத்துவதற்கும் மொரீஷியஸ் சுற்றுலா மேம்பாட்டு ஆணையம் உறுதிபூண்டுள்ளதால், இந்த சாலை கண்காட்சி எங்களுக்கு மிகவும் முக்கியமானதாகும். இந்த சாலை கண்காட்சியை மாபெரும் வெற்றிபெறச் செய்த அனைவருக்கும் எங்களது மனமார்ந்த நன்றியைத் தெரிவித்துக் கொள்கிறோம்” என்று கூறினார்.

சென்னை சாலை கண்காட்சியை மொரிஷியஸ் சுற்றுலா மேம்பாட்டு ஆணையத்தின் தலைவர் டொனால்ட் பேயன் தொடங்கி வைத்தார்.

மொரிஷியஸ் சுற்றுலா மேம்பாட்டு ஆணையத்தின் இந்தியாவிற்கான மேலாளர் சுனில் மத்தாபதி கூறுகையில், மூன்று நகரங்களிலும் உள்ள சுற்றுலா பயண முகவர்களின் உற்சாகத்துடன் பங்கேற்றது எங்களுக்கு மகிழ்ச்சியளிக்கிறது. பங்கேற்பாளர்கள் காட்டும் ஆர்வம், மொரிஷியஸ் ஒரு சிறந்த சுற்றுலாத் தலமாக இருக்கும் என்ற எங்கள் நம்பிக்கையை மீண்டும் உறுதிப்படுத்துகிறது. மொரிஷியஸை மேம்படுத்துவதற்கும், இந்தியாவுடனான உறவுகளை வலுப்படுத்துவதற்கும் நாங்கள் அர்ப்பணிப்புடன் பணியாற்றி வருகிறோம். இத்தகைய நேர்மறையான பின்னூட்டங்கள் மூலம், எங்களின் செயல்பாடுகளை மேலும் மேம்படுத்தவும், மொரீஷியஸில் பயணிகளுக்கு மறக்க முடியாத அனுபவங்களை வழங்கவும் நாங்கள் உந்துதல் பெற்றுள்ளோம்.” என்று கூறினார்.

ஏர் மொரிஷியஸ் மற்றும் விஸ்தாராவின் ஆகிய நிறுவனங்கள் இந்தியா மற்றும் மொரீஷியசிற்கு இடையே நேரடி விமான சேவைகளை வழங்குகின்றன. மொரீஷியஸின் சர் சீவூசாகூர் ராம்கூலம் சர்வதேச விமான நிலையம் இந்த அழகிய இடத்திற்கான முதன்மை நுழைவாயிலாக செயல்படுகிறது.

மேலும், இந்திய பயணிகளுக்கு நேரடியாக மொரிஷியஸ் நாட்டிலேயே விசா வழங்கப்படுகிறது.

மொரீஷியஸை ஒரு தீவு இடமாகக் காண்பிப்பதற்காக விளம்பர மற்றும் டிஜிட்டல் நடவடிக்கைகளை மேற்கொண்டு வருகிறது.