சத்தியபாமா அறிவியல் மற்றும் தொழில்நுட்ப நிகர்நிலை பல்கலைகழகத்தின் 33-ஆவது பட்டமளிப்பு விழா

சென்னை, ஆகஸ்ட் 2024: சென்னை சோழிங்கநல்லூரை அடுத்த செம்மஞ்சேரியில் இயங்கி வரும் சத்தியபாமா அறிவியல் மற்றும் தொழில்நுட்ப நிகர்நிலை பல்கலைகழகத்தின் 33-ஆவது பட்டமளிப்பு விழா கடந்த ஞாயிறன்று நடைபெற்றது.

பல்கலைக்கழகத்தின் வேந்தர் மரியஜீனா ஜான்சன், தலைவர் மரிய ஜான்சன் ஆகியோர் தலைமையில் நடைபெற்ற இந்த விழாவில் சிறப்பு விருந்தினராக அமெரிக்க மோட்ராக் நிறுவனத்தின் தலைமை தொழில்நுட்ப அதிகாரி அஷ்வின் ராஜா கலந்து கொண்டு மாணவர்களிடையே சிறப்புரையாற்றினார்.

உடன் பல்கலைகழகத்தின் துணைத் தலைவர்கள் அருள் செல்வன், மரியா கேத்தரின் ஜான்சன் ஆகியோர் பங்கேற்றனர்.

33-ஆவது பட்டமளிப்பு விழாவில், சத்தியபாமா பல்கலைக்கழகத்தில் பயின்ற 3508 இளங்கலை பட்டதாரி மாணவர்களுக்கும், 644 முதுநிலை பட்டதாரி மாணவர்களுக்கும், 122 பிஎச்டி மாணவர்களுக்கு டாக்டர் பட்டத்தை பல்கலைக்கழகத்தின் வேந்தர் மரியஜீனா ஜான்சன் மற்றும் சிறப்பு விருந்தினர் அஷ்வின் ராஜா ஆகியோர் வழங்கினர்.

பல்வேறு பிரிவுகளில் முதலிடம் பிடித்த 45 மாணவர்களுக்கு தங்க பதக்கங்கள் என மொத்தம் 4152 மாணவர்களுக்கு பட்டங்கள் வழங்கப்பட்டது.

சத்தியபாமா பல்கலை.யில் கேம்பஸ் தேர்வில் அதிகபட்ச மாணவர்களுக்கு வேலை வாய்ப்பு பெற்று தருகிறது.

இந்த ஆண்டில் கேம்பஸ் தேர்வில் தேர்வாகி ஆண்டுக்கு ஐம்பது லட்சம் ஊதியத்தில் ஊதியத்தில் பன்னாட்டு நிறுவனங்களில் இரண்டு மாணவர்கள் பணிக்கு அமர்த்தப்பட்டுள்ளனர். இதுபோன்று 3502 மாணவர்களுக்கு வேலைவாய்ப்பு கிடைத்துள்ளது.

சத்யபாமா பல்கலைக்கழகத்தில் 2023 – 2024 கல்வி ஆண்டில் 417 நிறுவனங்கள் கேம்பஸ் தேர்வு நடத்தின. இதில், மொத்த மாணவர்களில் 92.72 சதவீத மாணவர்கள் வேலை வாய்ப்பு பெற்றனர். இந்த மாணவர்கள் ஆண்டுக்கு சராசரியாக குறைந்தபட்சம் ரூ.5.75 லட்சமும் அதிகபட்சமாக ஆண்டுக்கு ரூ.50 லட்சமும் ஊதியம் பெறுவர்.