சென்னை பெருங்குடி மான்போர்ட் பள்ளியில் களைகட்டிய பொங்கல் விழா

சென்னை பெருங்குடியில் இயங்கி வரும் மான்போர்ட் பள்ளியில் பொங்கல் விழா கொண்டாட்டம் களைகட்டியது.

சிறப்பு விருந்தினர்களாக கலைமாமணி விருதுபெற்ற திருநங்கை சுதா மற்றும் குழுவினர் கலந்துகொண்டு குத்துவிளக்கேற்றி நிகழ்ச்சியை துவக்கி வைத்தனர்.

பள்ளியின் தாளாளர் டேவிட் பள்ளி மாணவர்களுடன் பொங்கல் பானையில் பொங்கலிட்டு வழிபட்டார்.

அதேபோல், பள்ளியில் பயிலும் மாணவ, மாணவிகளின் பெற்றோர் சுமார் 200 பேர் இந்த பொங்கல் விழாவில் கலந்துகொண்டு பொங்கலிட்டனர்.

பள்ளியின் ஆசிரியர்களும் மாணவர்களுடன் சேர்ந்து பொங்கலிட்டு உற்சாகமாக பொங்கலை வரவேற்றனர்.

சிறப்பு விருந்தினர்களுடன், பள்ளியின் தாளாளர் மற்றும் மாணவர்கள், பெற்றோர், ஆசிரியர்கள் பொங்கலை கொண்டாடும் விதமாக குலவையிட்டு, கும்மியாட்டம் ஆடி மகிழ்ந்தனர்.

மேடையில் பேசிய சிறப்பு விருந்தினர்கள் மாணவர்களுக்கு அறிவுரைகளை வழங்கினர்.