அசோகா பல்கலைக்கழகம் – 2026–27 யங் இந்தியா பெல்லோஷிப் விண்ணப்பங்கள் திறப்பு; இறுதி தேதி மார்ச் 23
சென்னை: இந்தியாவின் முன்னணி உயர்கல்வி மற்றும் ஆராய்ச்சி நிறுவனமான அசோகா பல்கலைக்கழகம், 2026–27 ஆம் ஆண்டுக்கான 16வது யங் இந்தியா பெல்லோஷிப் (YIF) திட்டத்திற்கான விண்ணப்பங்களைத் திறந்துள்ளது. 15 ஆண்டுகால பயணத்தை நிறைவு செய்யும் இந்தத் திட்டத்தில் தேர்வு செய்யப்படும் அனைத்து மாணவர்களுக்கும் பகுதி அல்லது முழு உதவித்தொகை வழங்கப்படும் என அறிவிக்கப்பட்டுள்ளது. இந்த உதவி HDFC வங்கியின் ஆதரவுடன் வழங்கப்படுகிறது.
ஒரு ஆண்டு கால குடியிருப்பு முதுகலை டிப்ளோமாவாக உள்ள இந்தத் திட்டம் துறைகளுக்கு இடையேயான கற்றல், விமர்சன சிந்தனை, அனுபவ அடிப்படையிலான பயிற்சி மற்றும் முழுமையான வளர்ச்சியை மையமாகக் கொண்டது. பல்வேறு துறைகளைச் சேர்ந்த பட்டதாரிகள் விண்ணப்பிக்கலாம்; வயது வரம்பு இல்லை.
விண்ணப்பங்கள் இலவசமாக ஆன்லைனில் பெறப்படுகின்றன. முன்னுரிமை கடைசி நாள் பிப்ரவரி 23, 2026; இறுதி விண்ணப்ப தேதி மார்ச் 23, 2026 ஆகும். தேர்வான மாணவர்கள் கல்விக் கட்டணம், தங்குமிடம் மற்றும் உணவு செலவுகளுக்கான 25% முதல் 100% வரை உதவித்தொகை பெறுவார்கள்.
யங் இந்தியா பெல்லோஷிப் உலகளவில் தலைமைத்துவ திறன்களை வளர்த்த பல முன்னாள் மாணவர்களை உருவாக்கியுள்ளது என அசோகா பல்கலைக்கழகம் தெரிவித்துள்ளது. ஆர்வமுள்ளவர்கள் இலவச ஆன்லைன் விண்ணப்பத்தை சமர்ப்பித்து தேர்வு செயல்முறையில் பங்கேற்கலாம்.
