தைப்பூசத்தையொட்டி முருகன் கோவில்களில் பாஜக வினர் அன்னதானம்

தைப்பூச தினத்தையொட்டி தமிழக பாஜக மாநில செயலாளர் வினோஜ் பி செல்வம் சார்பாக சென்னையில் உள்ள முருகன் கோவில்களில் பக்தர்களுக்கு அன்னதானம் வழங்கப்பட்டது.

சென்னை பாரிமுனையில் உள்ள கந்தகோட்டம் முருகன் கோவில், தேனாம்பேட்டை எல்டாம்ஸ் சாலையில் உள்ள அருள்மிகு பாலசுப்பிரமணிய சுவாமி திருக்கோவில், திருவல்லிக்கேணி எட்டாம்படை வீடு ஸ்ரீ முருகன் திருக்கோவில், வில்லிவாக்கம் கல்யாண சுப்ரமணிய சுவாமி திருக்கோவில், அமைந்தகரை அருள்மிகு ஏகாம்பரேஸ்வரர் திருக்கோவில், அண்ணாநகர் ஸ்ரீ சந்திரமௌலீஸ்வரர் திருக்கோவில் ஆகிய இடங்களில் அன்னதான நிகழ்ச்சி நடைபெற்றது.

அந்தந்த பகுதி பாஜக நிர்வாகிகள் கலந்துகொண்டு நூற்றுக்கணக்கான பக்தர்களுக்கு அன்னதானம் வழங்கினர்.

அன்னதான நிகழ்ச்சியை சிறப்பாக ஒருங்கிணைத்த அக்கட்சியின் பகுதி நிர்வாகிகள், தொண்டர்களை மாநில செயலாளர் வினோஜ் பி செல்வம் வெகுவாக பாராட்டினார்.