சாதனையாளர்களுக்கான சாரியட் விருதுகள் வழங்கும் விழா

பல்வேறு துறைகளில் சாதனை படைத்தவர்களை கௌரவிக்கும் விதமாக ரோட்டரி மெட்ராஸ் சவுத்வெஸ்ட் கிளப் சார்பில் சாரியார் விருதுகள் (CHARIOT AWARDS) வழங்கும் விழா சென்னை எழும்பூரில் உள்ள நட்சத்திர ஹோட்டலில் நடைபெற்றது.

நிகழ்ச்சியில், பஞ்சாப் & ஹரியானா ஆகிய மாநிலங்களின் நீதிமன்றங்களில் நீதிபதியாக பணியாற்றிய முன்னாள் நீதிபதி கே.கண்ணன் சிறப்பு விருந்தினராக கலந்துகொண்டார்.

இந்த ஆண்டு சாரியட் விருதுகள் 2023-ற்கு 5 ஆளுமைகள் தேர்வு செய்யப்பட்டு விருதுகள் வழங்கப்பட்டன.

மூத்த வழக்கறிஞர் ஸ்ரீராம் பஞ்சுவிற்கு கவுரவ விருது வழங்கப்பட்டது. பிரின்ஸ் ஜூவல்லரியின் தலைவரும் மற்றும் நிர்வாக இயக்குனருமான பிரின்ஸ்சன் ஜோஸ்க்கு தொழில்சார் சிறப்பு விருதும், எழுத்தாளர் மற்றும் பத்திரிகையாளர் பட்டாபிராமுக்கு வாழ்நாள் சாதனையாளர் விருதும், நீச்சல் வீரர் ஸ்ரீராம் ஸ்ரீனிவாசுக்கு இளைஞர் பிரிவில் விளையாட்டு விருதும் பெற்றனர்.

கர்நாடக இசைக்கலைஞரான காயத்ரி விபாவரி வியாகரனம் இளைஞர் பிரிவில் கலைக்கான விருது பெற்றார்.

விருதுகளை நீதிபதி கே.கண்ணன் வழங்கி விருது பெற்றவர்களை பாராட்டினார்.